सप्तकोसीमा जलसतह अहिले सम्मकै उच्च  ३ लाख १०  हजार  क्यूसेक  नाघेपछि  ४१ ढोका खोलिए । सप्तकोसी नदीमा जलसतह ३ लाख १० हजार क्यूसेक नाघेपछि कोसी ब्यारेजका ४१ ढोका खोलिएको छ। नदीमा बाढीको मात्रा अत्यधिक बढेपछि उदयपुर, सुनसरी र सप्तरी जिल्लाका कोसी किनारमा बसोबास गर्ने स्थानीयलाई अन्यत्र सुरक्षित स्थानमा जान आग्रह गरिएको छ। नदीको जलसतह निरन्तर बढ्दै गइरहेकोले विपद् व्यवस्थापन समितिले उच्च सतर्कता अपनाउन आग्रह गरेको छ। कोसी किनारका बस्तीहरूमा बाढीको जोखिम अत्यधिक रहेकाले सबैलाई सुरक्षित स्थानमा सार्न आवश्यक रहेको जनाइएको छ। सुरक्षाको लागि, स्थानिय प्रशासनले उद्धार कार्यमा लाग्न सबैलाई तयारी अवस्थामा रहन भनेको छ। साथै, कोसी नदीको जलसतह अझै बढ्न सक्ने भएकाले सतर्कता अपनाउन पनि आग्रह गरिएको छ।