उर्लाबारी ३ मंगलबारे स्थित मदन भण्डारी स्मृति प्रतिष्ठानले ओगट्दै आएको सार्वजनिक जमिनमा खेलमैदान बनेपछी स्थानीय युवा उत्साहित बनेका छन । आफनै गाउमा खेलमैदान बनेपछी फुटबल र कृकेट खेल्ने खेलाडीहरु उत्साहित बनेका हुन ।
गत भदौ २३ र २४ गतेको जेनजी आन्दोलनका क्रममा प्रतिष्ठानले बिगत १८ बर्ष देखि ओगटदै आएको सार्वजनिक जमिनमा बनाएको वाल जेनजीहरूले भत्काई दिएपछि स्थानीय युवाहरुको पहलमा खेलमैदान निर्माण गरिएको हो । खेलप्रति रुचि भए पनि उचित मैदान नहुदा खेलकुद बाट बन्चित भएका युवाहरू अब आफ्नै गाउँमा बनेको मैदानमा खुला रूपमा खेल खेल्न पाउने भएका छन ।
स्थानीय युवा विजय माझी, सोमप्रसाद तिम्सिना (राम) र पिपलराज गिरीको सक्रियता तथा सामुदायिक सहयोगमा निर्माण भएको यो मैदानमा बिहान–साँझ क्रिकेट र फुटबल खेल्नेहरूको घुइँचो लाग्ने गरेको छ।
कृकेट खेल्न रुचि हुदाहुदै पनि उचित खेलमैदानको अभावमा खेल्न नपाएको अवस्थामा नजिकै बनेको यो खेलमैदानले आफुहरु उत्साहित बनेको मदन भण्डारी प्रतिष्ठानमा अध्यनरत विद्यार्थी पुर्ण बहादुर न्यौपाने बताउछन ।।
समुदायको पहलमा बनेको यो मैदानले युवा पुस्तालाई खेलकुदतर्फ उन्मुख गराउनुका साथै सामाजिक एकता र स्वस्थ जीवनशैली प्रवर्द्धन गर्ने सामाजिक अभियान्ता बिजय माझी बताउनु हुन्छ ।