उर्लाबारी । उर्लाबारी२ मा रहेको बेतिनी सामुदायिक वनको हरियालीभित्र स्थानीयवासीहरू र सदस्यहरू सरसफाई गर्न जुटेका छन् । उनीहरू सबैजना वातावरणीय सरसफाईको महत्त्व बुझेर यस अभियानमा सहभागी भएका छन् ।
सफा, हराभरा वातावरण बनाउनु भनेको स्वस्थ जीवनको एउटा प्रमुख आधार हो भन्ने कुरा उनीहरूले गहिरोसँग बुझेका छन् । फोहोर सङ्कलन गर्दै, प्लास्टिक र अन्य अवशिष्ट सामग्री हटाउँदै बेतिनी सामुदायिक वनलाई अझै सुन्दर बनाउने अध्यक्ष भिमबहादुर राईले बताएका छन् ।
यो सरसफाई अभियानले वातावरणको रक्षा गर्यो, तर सामुदायिक एकताका भावना पनि जागृत गर्यो। यसले बेतिनी वनलाई नजिकबाट हेर्ने र हेरचाह गर्ने अवसर प्रदान गर्यो, जहाँ प्रकृतिको संरक्षण र सरसफाई हातेमालो गरेर अघि बढ्नुपर्ने हुन्छ।
उर्लाबारीको बेतिनी सामुदायिक वनमा रहेको सिमसारलाई थप मनमोहक बनाउन योजना बनाइएको सचिव अर्जुन बास्तोलाले बताएका छन् । यस क्षेत्रमा पर्यटकीय आकर्षण बढाउन तथा जैविक विविधताको संरक्षणलाई प्रवर्द्धन गर्न विशेष कदमहरू चाल्ने तयारी भइरहेको छ। सिमसारको प्राकृतिक सौन्दर्यलाई अझै उचाइमा पुर्याउन बृक्षारोपण, फुलबारी निर्माण, पानीका स्रोतहरू सफा राख्ने, तथा पैदलमार्ग र विश्रामस्थलहरू जस्ता संरचनाहरू थपिने योजना छ।
यस सिमसार क्षेत्रमा चराचुरुङ्गी र अन्य वन्यजन्तुहरूको लागि अनुकूल वातावरण सिर्जना गरिने उनलेे बताएका छन् । जसले पर्यटकहरूलाई आकर्षित गर्न थप सहयोग गर्नेछ। साथै, स्थानीय समुदायको सहभागिता र संरक्षणमा जोड दिइने भएको छ ।जसले सिमसारको दीर्घकालीन संरक्षण सुनिश्चित गर्न सकियोस्।
प्रतिक्रिया
सम्बन्धित खवर
